Pedaqoji fakültə 1984-cü ilin sentyabr ayında təşkil olunmuş, “İbtidai təhsil və məktəbəqədər tərbiyə” fakültəsinin bazası əsasında 1996-cı ildə yaradılmışdır.

Pedaqoji fakültənin binası 2012-ci ilin sentyabr ayında bir mərtəbə də artırılaraq tam yenidən təmir olunub istifadəyə verilmişdir.

Fakültədə üç ixtisas üzrə müəllim kadrları hazırlanır.

Fakültədə 1 görüntülü otaq, 5 proektor otağı, 1 elektron imtahan otağı (29 komputer) tələbələrin istifadəsindədir.

“Fiziki tərbiyə və çağırışaqədərki hazırlıq müəllimliyi” ixtisasına tələbə qəbulu 1994-cü ildən bu günədək davam edir və mülki-müdafiə çağırışaqədərki hazırlığın tədrisi metodikası kabinələri fəaliyyət göstərir. Bundan əlavə bu ixtisas üçün açıq şəraitdə sıra təlimi dərslərini tədris etmək üçün yeni təlim meydanı, Atıcılıq dərslərini yüksək səviyyədə keçmək üçün isə yeni atıcılıq otağı da tələbələrin istifadəsinə verilmişdir.

“Texnologiya müəllimliyi” ixtisasına tələbə qəbulu 2012-ci il tarixdən aparılır. Hazırda bu ixtisasın fakültədə yetərincə maddi texniki bazası var. Belə ki, “Ağac və metal məmulatlarının hazırlanması texnologiyası” labarotoriyası, “Tikiş praktikumu”, “Toxuculuq kabinəsi”, “Kulinariya”, “Xalçaçılıq”, “Dekorativ təsviri sənət kabinəsi” və “Məişət adət ənənələri və milli geyim kabinəsi” yüksək avadanlıqlarla təchiz olunub tələbələrin istifadəsindədir.

“Bədən tərbiyəsi və idman” ixtisasına tələbə qəbulu 2000-ci il tarixdən 2020-ci il tarixədək aparılmış. 2020-ci ildən isə “Məşqçilik” ixtisası kimi davam etdirilir.

Fakültəmizin idman ixtisasları üçün də maddi texniki imkanlarımız böyükdür.

2009-cu ildə böyük və bütün imkanlara malik olan idman kompleksi tikilib idmançıların ixtiyarına verilib. Burada Voleybol, Bosketbol, Badminton, Stolüstü tennis, Güləş zalı, Boks meydançası, Trinojor otağı fəaliyyət göstərir. Bundan əlavə fakültə və universitet idmançılarının ixtiyarında 1 böyük futbol və mini futbol meydançaları da vardır.

Fakültədə “Məktəb tarixi” kabinəsi, “İdman muzeyi”, “Əl işləri” muzeyi də fəaliyyət göstərir.

Yuxarıda göstərilən kabinə, muzey, labolatoriyalardan başqa kompyuterlərlə təmin olunmuş 16 tədris auditoriyasıda tələbələrimizin xidmətindədir.

Naxçıvan Dövlət Universiteti (Naxçıvan Dövlət Pedaqoji İnstitutu) 1967- ci ildə fəaliyyətə başlamışdır. 1972-ci ildə noyabr ayının 1-də Naxçıvan Pedaqoji İnstitutunun elmi şurasının qərarı ilə “Mülkü Müdafiə və Bədən tərbiyəsi” kafedrası yaradılmış və Hüseynov Xalid Lətif oğlu müdir təyin olunmuşdur. Ondan sonra isə 1994- cü ilə kimi Həsən Bayramov Mülki müdafiə kafedrasına rəhbərlik etmişdir. Həsən Bayramovdan sonra kafedra müdiri Xəqani həkim, Mehman Allahverdiyev, Cavanşir Zeynallı və 2007 ci ilin noyabr ayından Dosent Rzayev Oktay Rza oğlu, 2023-cı ilin iyun ayından Dosent Əlixanov Valeh Məmməd oğlu kafedraya rəhbərlik edir. Həmin dövrdən dövlət proqramı əsasında, məcburi dərs formasında keçirilən Mülki müdafiə və Tibbi biliklərin əsasları fənləri kafedrada tədris olunur.

Naxçıvan Dövlət Universiteti rektorunun əmri ilə Çağırışaqədərki hazırlıq və Mülki müdafiə kafedrasına 2023-cı ilin iyun ayından Dosent Əlixanov Valeh Məmməd oğlu rəhbərlik edir.

Naxçıvan   Dövlət Universitetinin   (Naxçıvan Dövlət Pedaqoji İnstitutu) 1967- ci ildə  fəaliyyətə başlamışdır. Bu zaman bir Bədən tərbiyə müəllimi  olmuşdur.  1972-ci ildə noyabr ayının 1-də “Mülkü Müdafiə və Bədən tərbiyə” kafedrası yaradılmış və Hüseynov Xalid Lətif oğlu  müdir təyin olunmuşdur. 1979-cu ildə  Bədən tərbiyəsi və idman kafedrasına Bağırov İsrafil Məmmədəli oğlu  müəllim təyin edilmişdur. Həmin dövrdən dövlət proqramı əsasında, məcburi dərs formasında keçirilən bədən tərbiyəsi dərsləri ilə yanaşı filial direktorluğunun 01 oktyabr 1970-ci il tarixli əmrinə əsasən filialda stolüstü tennis, futbol, basketbol, voleybol, gimnastika üzrə dərsdənkənar məşğələlər təşkil edilmişdir. Bu məşğələlərə rəhbərlik Hüseynov Xalid Lətif oğlu  və Bağırov İsrafil  Məmmədəli oğlu rəhbərllik etmişdir.   1986- cı ildən Məmmədov Nizami İmaməli oğlu Bədən tərbiyəsi və idman kafedrasının  müdiri işləmişdir. 2000-ci ildən  Rəhimov Məmmədəli Həmzə oğlu Fiziki tərbiyə və idman oyunları kafedrasına, Kazımov İntiqam Hacı oğlu isə Bədən tərbiyəsi və idman kafedrasına müdir təyin edilmişdir. Sonra isə kafedralar Bədən tərbiyəsi və idman kafedrası adı altında  birləşdirilmiş, haliyyədə həmin kafedraya  Tağıyev Əvəz Zeynalabdın oğlu rəhbərlik edir.

Naxçıvan  Dövlət Universitetinin rektorunun əmri ilə  Bədən tərbiyəsi və idman kafedrasına Tağıyev Əvəz Zeynalabdın  oğlu 2016 -cı ilin  iyun ayından etibarən “ Bədən tərbiyəsi və idman” kafedrasının müdiri təyin edilmiş və hal-hazırda kafedraya rəhbərlik edir. Kafedranın adı 2024-cü ildən dəyişdirilərək “Məşqçilik” olmuşdur.

“Pedaqogika və psixologiya” kafedrası 1970-ci ildə yaradılmış və fəaliyyətə başladığı vaxtdan etibarən universitetin ictimai-siyasi və elmi-pedaqoji həyatında mühüm rol oynamış, təlim-tərbiyə prosesinin əsas iştirakçılarından biri kimi çıxış etmişdir. Tədris prosesinin yüksək səviyyədə təşkili, tələbələrin peşəkar müəllim kadrları kimi hazırlanması, onların yetkin vətəndaş kimi formalaşması və digər mühüm məsələlərin həlli kafedranın başlıca funksiyası və əsas vəzifələri sırasında yer almışdır. Gələcək müəllimlərin pedaqoji-psixoloji hazırlığının möhkəmləndirilməsi məqsədilə mühazirə və seminar məşğələləri dövrün tələblərinə uyğun olaraq yüksək səviyyədə təşkil edilmişdir.

Kafedranın ilk müdiri professor İbrahim Mollayev olmuşdur. Hazırda kafedranın nəzdində “İnklüziv Təhsil Mərkəzi” və “Məktəb tarixi” kabinəsi də fəaliyyət göstərməkdədir.

Kafedranın missiyası: Ümumbəşəri dəyərləri mənimsəyən, milli ruhda yetişən və hərtərəfli inkişaf edən peşəkar kadrların hazırlanması.

Kafedranın vizyonu: Daim inkişaf edən, təkmilləşən və yenilikçi kafedra olaraq regionun təhsil məkanında lider kafedraya çevrilmək.

Dəyərlər: 

- İnnovativlik;

- Yaradıcılıq;

- Mükəmməllik;

- Milli-mənəvi dəyərlərə bağlılıq.

 Hədəflərimiz:

- Yüksək səviyədə təlimlərin keçirilməsi;

- Elmi-texnoloji məsələləri anlamaq üçün zəruri olan əsas konsepsiyaların mənimsənilməsinə imkan verən təhsil proqramlarının hazırlanması və tətbiq edilməsi;

- Problem həll etmə, təcrübə və arşdırmaya əsaslanan tədris metodlarından istifadə edilməsi;

-Araşdırma və təcrübə ilə zəngin elmi ətraf mühitin yaradılması və inkişaf etdirilməsi.

 “Pedaqogika və psixologiya”  kafedrasında  12 nəfər professor-müəllim heyəti və 2 nəfər tədrisə köməkçi heyət çalışır. Onlardan 10 nəfəri fəlsəfə doktoru (1 nəfəri  professor, 6 nəfəri dosent, 2 nəfəri baş müəllim, 1 nəfəri müəllim), 1 nəfəri elmlər doktoru (professor), 1 nəfəri baş müəllim, 1 nəfəri laborant, 1 nəfəri isə kabinə müdiridir.

1995-ci ildə Naxçıvan  Dövlət Universitetində Fənlərin tədrisi metodikası kafedrası  yaradılmışdır. 2012-cü ildən kafedranın adı deyişilərək “Fənlərin tədrisi metodikası və texnologiya müəllimliyi” kafedrası adlandırılmışdır. Hal-hazırda həmin kafedrada  5 nəfər müəllim heyəti fəaliyyət göstərir. Bunlardan 1 nəfər dosent,  2 nəfər fəlsəfə doktoru, 2 nəfər baş müəllim, 1 nəfər müəllim, 1nəfər 0,5 ştat müəllimdir.

Naxçıvan  Dövlət Universitetin rektorunun əmri ilə Filologiya üzrə fəlsəfə doktoru, dosent Quliyeva Mətanət Həsənqulu qızı 2019-cu ilin mart ayından etibarən “Fənlərin tədrisi metodikası və texnologiya müəllimliyi” kafedrasının müdiri təyin edilmiş və hal-hazırda kafedraya rəhbərlik edir. Kafedranın adı 2024-cü ildə dəyişdirilərək “Texnologiya” kafedrası olmuşdur.