Beynəlxalq münasibətlər və hüquq fakültəsi 2003-cü ildə yaradılan Sosial idarəetmə və hüquq fakültəsinin bazasında 2020-ci ilin 15 mayında Universitet Elmi Şurasının qərarı ilə yaradılmışdır.

Fakültədə 4 kafedra “Beynəlxalq münasibətlər”, “Xüsusi hüquq ”, “Ümumi hüquq” “Fəlsəfə və Sosial iş” fəaliyyət göstərir. Fakültədə 49 əməkdaş çalışır, onlardan 2 nəfər professor,5 nəfər elmlər doktoru,dosent ,8 nəfər isə fəlsəfə doktoru dosentdir. Fakültənin ilk dekanı (2003-2018) dos.Qərib Vəli oğlu Allahverdiyev olmuşdur. 04 dekabr 2020-ci il tarixdə isə fəlsəfə elmləri doktoru,dosent Hüseynov Yusif Hüseyn oğlu dekan vəzifəsinə seçilmişdir. Fakültənin fəaliyyət göstərdiyi müddət ərzində dekan müavinləri Y.Hüseynov(2003-2009), A.Əhmədov(2009-2016), B.Cəfərov(2017-2018), N.Rəhimov(2018-2020) olmuşdur. 2021-ci ildən dekan müavini A.Əhmədovdur.

Fakültədə aşağıdakı ixtisaslar üzrə mütəxəssis hazırlanır.:

• Hüquqşünaslıq
• Beynəlxalq münasibətlər
• Sosial iş
• Fəlsəfə
• Dövlət və ictimai münasibətlər
• Regionşünaslıq
• İnternational relations

Fakültədə Diplomatiya mərkəzi, Diplomatiya kabinəsi, Kriminalistika və Məhkəmə ekspertizası kabinələri fəaliyyət göstərir.

Fakültədə ali orqan sayılan Fakültə Elmi Şurasının hər ayda 1 dəfədən az olmayaraq iclası keçirilir. Şura iclaslarında ilin əvvəlində tutulmuş və təsdiq olunmuş plan əsasında tədris, elm, təlim və tərbiyə proseslərini əhatə edən ən aktual məsələlər müzakirə edilərək qərarlar çıxarılır.

Beynəlxalq münasibətlər kafedrası universitet Elmi Şurasının 10 aprel 2009-cu il tarixli (protokol №8) qərarına əsasən Rektorluğun 11 aprel 2009-cu il tarixli 91 saylı əmri ilə yaradılmışdır. “Beynəlxalq münasibətlər” kafedrası ali təhsilin baza təhsili və bakalavr pilləsində, “Beynəlxalq münasibətlər”, “Dövlət və ictimai münasibətlər”, “Beynəlxalq münasibətlər (tədris ingilis dilində)” və Regionşünaslıq istiqamətləri üzrə əsas aparıcı ixtisas kafedralarından biridir.

Naxçıvan Dövlət Universitetinin rektorunun əmri ilə 2018-ci ilin iyun ayından etibarən “Beynəlxalq münasibətlər ” kafedrasının müdiri vəzifəsinə, tarix üzrə fəlsəfə doktoru, dosent Şamxal Məmmədov rəhbərlik edir.

Hazırda kafedrada 11 nəfər professor-müəllim heyəti fəaliyyət göstərir. Bunlardan 4 nəfəri dosent, 7 nəfəri isə müəllimdir

Respublikamızda məqsədə uyğun şəkildə həyata keçirilən sosial iqtisadi siyasət nəticəsində yüksək inkişafa nail olunmuş əhalinin maddi rifah halı xeyli yaxşılaşmış, yoxsulluğun səviyyəsi minimuma enmişdir. Azərbaycan Respublikası inkişaf etmiş ölkələrə yaxınlaşmaqdadır. Göstərilənlərin əldə edilməsi bilavasitə təhsillə bağlıdır. Ümummilli lider H.Əliyevin dediyi kimi təhsil hər bir ölkənin gələcəyidir.

Son illərdə respublikamızda qəbul edilmiş təhsillə bağlı dövlət sənədlərində aparılacaq islahatlarla yanaşı bu islahatların konkret məqsədini göstərən. 15 iyun 1999-cu ildə ümummilli lider H.Əliyevin 168 saylı sərəncamı ilə təsdiq edilmiş “Azərbaycan Respublikasının təhsil sahəsində islahat proqramı”nda eləcə də,Azərbaycan Respublikası Konstitusiyasında, Təhsil Qanunda təsbit olunmuş tələbləri, sosial, iqtisadi və sosial həyatının demokratikləşməsinə əsaslanan dövlət siyasətini həyata keçirməkdən ibarətdir.

Kafedranın tarixi

Fəlsəfə kafedrası 1972-ci ildə yaranmış və müxtəlif adlar altında fəaliyyət göstərib. Kafedra  fakültəmizdə və Üniversitetin digər  fakültələrində  Fəlsəfə,sosial iş,sosiologiya,məntiq ,multikulturalizmə giriş fənlərinin tədrisi ilə məşğuldur.

Hal-hazırda Sosial və ictimai münasibətlər kafedrası adlanan bu kafedrada 4 fəlsəfə elmləri doktoru,(onlardan biri professor,üçü dosent), 2 fəlsəfə üzrə fəlsəfə doktoru,3 baş müəllim,8 müəllim və 1 laborant fəaliyyət göstərir.

Sosial və ictimai münasibətlər  kafedrasının professor-müəllim heyəti Universitetin və Naxçıvan Muxtar Respublikasının ictimai həyatında fəal iştirak edir.

1996-cı ilin yayında ümummilli lider Heydər Əliyevin təşəbbüsü sayəsində NDU-da hüquqşünaslıq  ixtisası açıldı. Həmin il hüquqşünaslıq ixtisasında əyani  və qiyabi şöbələrə cəmi 50 nəfər tələbə qəbul olundu. 1997-ci ildən  etibarən ölkənin  hüquq-mühafizə  orqanlarında və digər idarəetmə strukturlarında çalışan  kadrların ali hüquq təhsili almasına şərait yaratmaq məqsədilə fakültənin qiyabi şöbəsində  əlavə ali təhsilə cəlb edilməklə  hüquqşünaslıq ixtisası üzrə kadr hazırlığına başlandı.  Artıq 2000-ci ildə NDU-nun ilk hüquqşünas məzunları həyata vəsiqə aldılar.

Həmin illərdə universitet rəhbərliyinin  yaxından dəstəyi sayəsində hüquqşünaslıq ixtisasının tədris strukturları formalaşdı. İlk illərdə Hüquqşünaslıq ixtisası tarix-filologiya fakultəsinin  tərkibində idi. 1998-ci ildə hüquqşünaslıq ixtisasında  təhsilin səviyyəsini yüksəltmək, onun təşkilini daha da yaxşılaşdırmaq məqsədi ilə bu ixtisas tarix fakultəsindən alındı və iqtisad fakultəsi ilə birləşdirildi. Beləliklə, 1999-cu ilin fevralında dosent Ağarza  Rüstəmovun  dekan olduğu iqtisad–hüquq fakultəsi təşkil olundu. Bir neçə il sonra  istər tələbə kontingentinin sayı və maddi-texniki bazanın möhkəmlənməsi universitet rəhbərliyinə imkan verdi ki, müstəqil hüquqşünaslıq fakultəsini  təşkil etsin. 2003-2004- cü dərs ilindən dosent Qərib Allahverdiyevin  dekan seçildiyi müstəqil “Sosial idarəetmə və hüquq”  fakultəsi yarandı.

Fakültə nəzdində fəaliyyət göstərən “Hüquq fənləri” kafedrasının ilk müdiri hüquq elmləri namizədi Fəxrəddin Nağıyev oldu. 2001-ci ilin  mayından onu bu vəzifədə təcrübəli hüquqşünas, hüquq elmlər namizədi Nəcəf Orucov əvəz etdi.  2004-cü ilin may ayından isə kafedra müdirliyinə dosent Şükür Məmmədov seçilmişdir.8 iyun 2016-cı ildə Kafedra müdiri vəzifəsinə hüquq üzrə fəlsəfə doktoru,dosent Qəhrəman Novruz oğlu Behbudov seçilmişdir. 21 fevral 2022-ci ildə hüquq üzrə fəlsəfə  doktoru,dosent  Qəhrəman Novruz oğlu Behbudov ikinci dəfə bu vəzifəyə seçilmişdir.

02 Sentyabr 2024-cü il tarixdə Hüquq fənləri Kafedrası Xüsusi və ümumi hüquq olmaqla iki kafedraya ayrılmışdır. Qəhrəman Novruz oğlu Behbudov xüsusi hüquq kafedrasının müdiri olaraq qalmışdır.