Memarlıq və mühəndislik fakültəsi 1988-ci ildən yüksək ixtisaslı mühəndis kadrların yetişdirilməsi ilə məşğuldur. Fakültədə 5 kafedra fəaliyyət göstərir. Fakültə tərkibində tələbə gənclər təşkilatı, tələbə elmi cəmiyyəti, idman şurası və müxtəlif ixtisaslara uyğun dərnəklər fəaliyyət göstərir. Fakültənin nəznində “Memarlıq muzeyi” və texniki yaradıcılıq kabinələri fəaliyyət göstərir. Fakültə dekanı 2001-2007-ci illərdə Arif Abbasov, 2007-2013-cü illərdə Mübariz Nuriyev olmuşdur. 2013-cü ildən isə fakültə dekanı Cavanşir Zeynalovdur. 2001-2003-cü illərdə Həsən Babayev, 2003-2020 illərdə Məmməd Rəcəbov, 2020-2022-ci illərdə Rüstəm Məmmədov dekan müavini olmuşdur. 2022-ci ildən isə dekan müavini Tərxan Orucovdur.

Fakültədə aşağıdakı ixtisaslar üzrə kadr hazırlığı aparılır:

1. İnformasiya texnologiyaları
2. Energetika mühəndisliyi
3. Elektroenergetika mühəndisliyi
4. Yerüstü nəqliyyat vasitələrinin mühəndisliyi
5. Nəqliyyat mühəndisliyi
6. Meliorasiya mühəndisliyi
7. Ekologiya mühəndisliyi
8. Memarlıq
9. Kompüter mühəndisliyi
10. Proseslərin avtomatlaşdırılması
11. Elektrik və elektronika mühəndisliyi
12. Kompüter mühəndisliyi (ingilis dilində)

Fakültə Rəqəmsal İnkişaf və Nəqliyyat Nazirliyi, NMR Dövlət Energetika Xidməti, “Naxçıvan Dəmir Yolları” MMC, NMR Dövlət Meliorasiya və Su təsərrüfatı Komitəsi, NMR Dövlət Şəhərsalma və Arxitektura Komitəsi, NMR Memarlar Birliyi ilə əməkdaşlıq edir. Məzunlarımız sənayenin müxtəlif sahələrinin inkişaf etdirilməsində böyük xidmətlər göstərirlər. Fakültədə müxtəlif avadanlıqlarla təchiz olunmuş auditoriya və laboratoriyalarda baloniya prosesi ilə təsbit edilən kredit sisteminə uyğun tədris planları əsasında müxtəlif elmi və texnoloji problemləri həll edə biləcək 600-dən çox yerli, 60-dan çox xarici tələbə bakalavr pilləsində təhsil alır. Tələbələrin tədrisi ilə yüksək ixtisaslı kadrlar məşğul olurlar.

2018-ci il iyun ayının 1-dən “Nəqliyyat mühəndisliyi” kafedrası və “Rabitə və informasiya texnologiyaları” kafedrası birləşdirilərək yeni “Nəqliyyat və informasiya texnologiyaları” kafedrası yaradılmışdır. 2021 - ci ildə may ayının 4-dən “Nəqliyyat və informasiya texnologiyaları” kafedrasından ayrılaraq “Elektronika və informasiya texnologiyaları” kafedrası adı altında fəaliyyətə başlamışdır. 2023-cü il iyun ayınadək kafedraya ictimai əsaslarla Zeynalov Cavanşir İbrahim oğlu rəhbərlik edib.

Naxçıvan Dövlət Universitetinin rektorunun əmri ilə 06 iyul 2023-cü ildən etibarən kafedra müdiri texnika üzrə fəlsəfə doktoru Hüseyn Ələkbər oğlu Qasımov təyin olunmuşdur və hal-hazırda kafedraya rəhbərlik edir.

“Meliorasiya və ekologiya mühəndisliyi” kafedrası ali təhsilin “Meliorasiya mühəndisliyi” və “Ekologiya mühəndisliyi” ixtisasları üzrə bakalavriat və “Meliorasiya-mühəndis sistemləri tikintisi və istismarı” ixtisası üzrə magistratura pilləsində aparıcı ixtisas kafedralarından biridir.Gələcək mütəxəsislərin hazırlığında, kafedra 3 ixtisas üzrə 68 müxtəlif fənnin tədrisini həyata keçirir. Tədris olunan fənlər yüksək ixtisaslı mütəxəsislər tərəfindən tədris olunur. Fənlərin tədrisinin keyfiyətini artırmaq, tədris prosesinin səmərəliliyini yüksəltmək üçün müasir təlimin müxtəlif texniki vasitələrindən və metodlarından istifadə olunur.

Vizyonumuz

Meliorasiya və Ekologiya mühəndisliyi kafedrasının vizionu ölkə və regional səviyyədə tanınan, yüksək elmi biliyə və potensiala malik olan ixtisaslı kadrlar hazırlayan və yüksək təhsil standartına sahib olan kafedra olmaqdır.

Missiyamız

Meliorasiya və Ekologiya mühəndisliyi kafedrası olaraq missiyamız tələbələrimizə Meliorasiya və Ekologiya, sahəsində ən yaxşı təhsili və ən müasir bilikləri verərək məzunlarımızın həm ölkə daxilində, həm də ölkə xaricində rəqabətə davamlılığını təmin etməkdir.

KAFEDRAYA RƏHBƏRLİK

Naxçıvan Dövlət Universitetinin rektorunun əmri ilə dosent Nəcəfov Cabbar Sərdar oğlu “Meliorasiya və ekologiya mühəndisliyi” kafedrasına müdir təyin edilmişdir. Hal-hazırda kafedraya rəhbərlik edir.

“Memarlıq” kafedrası 2002-ci ildə İncəsənət fakültəsinin tərkibində yaranıb, 2003-cü ildən Mühəndis Pedaqogika fakültəsinin, 2007-ci ildən Memarlıq və mühəndislik fakültəsinin tərkibinə daxil edilmişdir.

KAFEDRAYA RƏHBƏRLİK

Naxçıvan Dövlət Universiteti rektorunun əmri ilə Memarlıq üzrə fəlsəfə doktoru, dosent Gülnarə Qəzənfər qızı Qənbərova 2021-ci ilin 12 mart ayından etibarən “Memarlıq” kafedrasının müdiri təyin edilmişdir. 

20 dekabr 1990-cı il “Elektro texnika və materialşünaslıq”  kafedrası kimi fəaliyyətə başlamışdır. 04 may 2001-ci ildən “Yol hərəkətinin təşkili kafedrası”, 01 iyun 2018-ci ildən “Nəqliyyat və informasiya texnologiyaları” kafedrası, 01 aprel 2021-ci ildən isə “Nəqliyyat mühəndisliyi və texniki fənlər” kafedrası kimi fəaliyyət göstərir. Hal-hazırda kafedraya (ictimai əsaslarla) Məmmədova Gülşən Nurəddin qızı rəhbərlik edir.

Kafedranın elmi fəaliyyəti:

Yük daşımaları texnologiyasının xüsusiyyətləri

Avtomobil nəqliyyatının hərəkət tərkibinin və yükləmə-boşaltma vasitələrinin texniki təkmilliyi, proqressiv texnologiyanın tətbiqi və yük daşımalarının təşkilinin təkmilləşdirilməsi. Hər hansı prosesin məqsədəuyğun şəkildə ayrı-ayrı bəndlərə bölünməsi və bu bəndlər arasında səmərəli əlaqənin yaradılması. Daşıma prosesinin təşkili və idarə edilməsinin yerinə yetirilməsi ilə bağlı əmək və vəsait sərfinin səmərəli qiymətinin tapılması. Hər hansı prosesin məqsədəuyğun şəkildə ayrı-ayrı bəndlərə bölünməsi və bu bəndlər arasında səmərəli əlaqənin yaradılması. Daşımalara sərf olunan vaxtın qısadılması. Yükün zədələnməsi və xarab olmasından yaranan itkilərin aşağı düşməsi. Avtomobil nəqliyyatı və onun xidmət etdiyi sahələr arasında təsərrüfat əlaqələrinin mərkəzləşdirilmiş planlaşdırma sistemi üzrə qurulması. Hər hansı fəaliyyət proqramını həyata keçirmək. Nəqliyyat ekspedisiya xidmətləri bazarının yaradılması və təkmilləşdirilməsi.