Naxçıvan Dövlət Universitetinin Tibb fakültəsi nəzdində haliyədə fəaliyyət göstərən “Klinik fənlər və hərbi tibb” kafedrası ali təhsilin bakalavriat pilləsində “Tibbi profilaktika ”, “Müalicə işi”, “Stomatologiya”, “Əczaçılıq ”, “İctimai Səhiyyə”, “Turizm” “Bədən tərbiyəsi” istiqamətləri üzrə əsas aparıcı ixtisas kafedralarından biridir.
Gələcək mütəxəssislərin hazırlığında kafedra 75 müxtəlif fənn üzrə tədris həyata keçirir. Tədris olunan fənlər yüksək ixtisaslı mütəxəssislər tərəfindən tədris olunur. Fənlərin tədrisinin keyfiyətini artırmaq, tədris prosesinin səmərəliliyini yüksəltmək üçün müasir təlimin müxtəlif texniki vasitələrindən və metodlarından istifadə olunur.
Naxçıvan Dövlət Universitetinin Tibb fakültəsi yarandığı ilk gündən onun nəzdində “Ümumi təbabət ” kafedrası yaradılmışdır. 2009-2010-cu ildən kafedranın adı dəyişilərək “Ümumi təbabət və klinik fənlər” kafedrası adlandırılmışdır. Daha sonra 2024-cü ildə kafedranın adı dəyişilərək “Klinik fənlər və hərbi tibb” kafedrası olmuşdur. Hal-hazırda həmin kafedrada 15 nəfər professor, müəllim heyəti fəaliyyət göstərir. Bunlardan 1 nəfəri Naxçıvan Muxtar Respublikasının əməkdar həkimi, 6 dosent, 5 nəfər baş müəllim, 4 nəfər müəllimdir.
Naxçıvan Dövlət Universitetinin rektorunun əmri ilə Tibb üzrə fəlsəfə doktoru, dosent Gültəkin Budaq qızı Əliyeva 2018-ci ilin noyabr ayından etibarən “Klini fənlər və hərbi tibb” kafedrasının müdiri təyin edilmiş və hal-hazırda həmin kafedraya rəhbərlik edir.
