Naxçıvan Dövlət Universitetində Baytarlıq ixtisasına qəbul 2005-ci ildən aparılır. Baytarlıq ixtisası 2007-ci ilədək Təbiətşünaslıq və kənd təsərrüfatı fakültəsinin Zoologiya kafedrasının tərkibində fəaliyyət göstərmişdir. 30 may 2007-ci ildə ayrıca Baytarlıq kafedrası yaradılmışdır. Universitet Elmi Şurasının 29 oktyabr 2014-cü il tarixli iclasının 02 saylı protokolundan çıxarışa əsasən Naxçıvan Dövlət Universitetinin 31 oktyabr 2014-cü il tarixli 377 saylı əmri ilə Təbiətşünaslıq və kənd təsərrüfatı fakültəsinin tabeliyində olan “Baytarlıq” kafedrasının adı dəyişdirilərək “Baytarlıq təbabəti” adlandırılmışdır. Azərbaycan Respublikası Nazirlər Kabinetinin 2019-cu il 11 fevral tarixli 45 nömrəli qərarı ilə təsdiq edilmiş ixtisasların (proqramların) təsnifatında ixtisasın şifri və adı – 050704 Baytarlıq təbabəti kimi qəbul edilmişdir. Hazırda həm kafedranın, həm də ixtisasın adı Baytarlıq təbabəti adlanır.
Kafedra müdiri: 2008-2012-ci illərdə kafedraya baytarlıq üzrə fəlsəfə doktoru, dosent Etibar Nəsrulla oğlu Məmmədov, 2012-2023-cü ilin mart ayınadək baytarlıq üzrə fəlsəfə doktoru, dosent Yunis Məmmədəli oğlu Rüstəmli, 2023-cü ilin mart ayından kafedraya biologiya üzrə fəlsəfə doktoru, dosent Mahir Musa oğlu Məhərrəmov rəhbərlik edir.
Ø Haliyədə “Baytarlıq təbabəti” kafedrasında 9 müəllim, 1 laboratoriya müdiri,
1 laborant və 1 preparator fəaliyyət göstərməkdədir. “Baytarlıq təbabəti” ka-
fedrasında elmi-pedaqoji fəaliyyət göstərən 9 əməkdaşdan 6 nəfəri tam ştat,
3 nəfəri yarım ştatdır. Kafedra əməkdaşlarından 5 nəfər dosent, 2 nəfər baş
müəllim, 2 nəfər müəllimdir.
Ø “Baytarlıq təbabəti” kafedrasında ali təhsilin bakalavr və magistratura pilləsi-
nin aşağıdakı ixtisasları üzrə kadr hazırlığı həyata keçirilir:
Ø Bakalavr pilləsi üzrə: Baytarlıq, Baytarlıq təbabəti
Ø Magistratura pilləsi üzrə: Baytarlıq cərrahiyyəsi; Mamalıq-ginekologiya və
süni mayalanma; Parazitologiya və invazion xəstəliklər
